ЕРӨНХИЙ МЕНЕЖЕР ГЭСЭРИЙН ЦЭВЭЛМАА
Боловсрол судлалын магистр, Зөвлөх зэрэгтэй.
Боловсролын байгууллагад 24 жил ажилласны 13 жилд нь түүх, газарзүй, нийгмийн ухааны багшаар, 7 жилд боловсролын чиглэлээр үйл ажиллагаа явуулдаг (БХАН) ТББ –д, сүүлийн 4 жилд Бага, дунд, бүрэн дунд боловсролын үндэсний цөм хөтөлбөрийг үндэсний хэмжээнд хэрэгжүүлэх багийн ерөнхий менежерээр ажилласан.
Багшлах хугацаандаа ур чадварын уралдааны дүүрэг, аймаг, нийслэлийн аваргаар нийт 3 удаа, улсад 2-р байрт шалгарч байсан. “Улсын шилдэг технологич багш” үнэмлэхтэй.
Боловсролын чанарын шинэчлэлийн хүрээнд Бага, дунд боловсролын хөтөлбөрт шинээр нэмэгдсэн:
- “Сургалтыг дэмжих үйл ажиллагаа” –ны (Бага, дунд боловсролын) хөтөлбөр, зөвлөмж боловсруулах зохиогчийн багийн гишүүнээр,
- “Бизнес судлал” хичээлийн хөтөлбөр, сурах бичиг, багшийн ном, зөвлөмж боловсруулах зохиогчийн багийн гишүүнээр тус тус ажилласан.
- “Сурагчдын бүтээлч сэтгэлгээг хөгжүүлэх арга замууд” бие даасан бүтээл нь 2 дахь удаагаа хэвлэгдэн олон зуун багшийн хүртээл болсон.
- Япон, Унгар, Тайланд, Солонгос улсад сургуулийн менежемент, сургалтыг дэмжих үйл ажиллагааны арга зүйн чиглэлээр туршлага судалж, мэргэжил дээшлүүлсэн.
- Боловсролын тэргүүний ажилтан, МУ-ын төрийн дээд шагнал Алтан гадас одонгоор шагнагдсан.